លក្ខណៈសម្បត្តិរបស់អ្នកស្រាវជ្រាវ

អ្នកស្រាវជ្រាវរបស់សមាគមសាលាត្រាជូបែងចែកជាពីរលំដាប់ គឺអ្នកស្រាវជ្រាវជាន់ខ្ពស់ (លំដាប់១) (Senior Research Fellow) និងអ្នកស្រាវជ្រាវដំបូង (លំដាប់២) (Junior Research Fellow)។

អ្នកស្រាវជ្រាវទាំងពីរលំដាប់ត្រូវមានលក្ខណៈសម្បត្តិដូចខាងក្រោម៖

១. អ្នកស្រាវជ្រាវជាន់ខ្ពស់ (លំដាប់១) (Senior Research Fellow)
  • ត្រូវមានសញ្ញាបត្របរិញ្ញាបត្រជាន់ខ្ពស់ ឬកម្រិតប្រហាក់ប្រហែលឡើងទៅដែលមាន​ជំនាញ​​​អនុលោម​តាម​គោលបំណង និងបេសកកម្មនៃសមាគម
  • ធ្លាប់សរសេរ​ និងបោះផ្សាយអត្ថបទស្រាវជ្រាវ
  • ត្រូវមានបទពិសោធន៍ខាងផ្នែកស្រាវជ្រាវយ៉ាងតិចពីរឆ្នាំ
២.​ អ្នកស្រាវជ្រាវដំបូង (លំដាប់២)​ (Junior Research Fellow)៖
  • ត្រូវមានបរិញ្ញាបត្រ ឬកម្រិតប្រហាក់ប្រហែលឡើងទៅ ដែលមាន​ជំនាញ​អនុលោម​តាម​គោល​បំណង និងបេសកកម្មនៃ​សមាគម
  • ធ្លាប់សរសេរអត្ថបទស្រាវជ្រាវបោះផ្សាយ
  • ត្រូវមានបទពិសោធន៍ខាងផ្នែកស្រាវជ្រាវយ៉ាងតិចមួយឆ្នាំ

ឯកសារតម្រូវ

បេក្ខជនដែលមានបំណងដាក់ពាក្យសុំធ្វើជាអ្នកស្រាវជ្រាវនៅសមាគមសាលាត្រាជូ ត្រូវបញ្ជូនមកឱ្យសមាគមសាលាត្រាជូតាមរយៈអ៊ីម៉េល៖ [email protected]​​ឬទៅ

ការិយាល័យសមាគមសាលាត្រាជូ ទីស្នាក់ការអគារលេខ#៣៦ ជាន់ទី១១ ផ្លូវលេខ ១៦៩ សង្កាត់វាលវង់ ខណ្ឌ៧មករា រាជធានីភ្នំពេញ នូវឯកសារដូចខាងក្រោម៖

  • ពាក្យសុំចូលជាអ្នកស្រាវជ្រាវ (Application form) ៖ មួយច្បាប់
  • លិខិតបញ្ជាក់ការតាំងចិត្ត (Cover Letter)៖ មួយច្បាប់
  • ជីវប្រវត្តិរូបសង្ខេប៖ មួយច្បាប់
  • បរិញ្ញាបត្រ ឬបរិញ្ញាបត្រជាន់ខ្ពស់ថតចម្លង ឬលិខិតបញ្ជាក់ការបញ្ចប់ការសិក្សា ព្រមទាំងវិញ្ញាបនបត្រដែលពាក់ព័ន្ធផ្សេងៗទៀត ៖ មួយច្បាប់
  • លិខិតចាត់តាំង​ ឬលិខិតគាំទ្របេក្ខភាពពីស្ថាប័ន​​ព្រមទាំងអង្គភាពដែលពាក់ព័ន្ធមួយច្បាប់៖ មួយច្បាប់ (ប្រសិនបើមាន)​

តួនាទី និងភារកិច្ចរបស់អ្នកស្រាវជ្រាវ៖

  • ទី១៖ ផលិតសៀវភៅ និងអត្ថបទស្រាវជ្រាវនានា
  • ទី២៖ ចូលរួមវគ្គបណ្តុះបណ្តាលនៃកម្មវិធីកម្មសិក្សា (វាគ្មិនបណ្តុះបណ្តាល គ្រូដឹកនាំ និងគណៈកម្មការវាយតម្លៃ)
  • ទី៣៖ ចូលរួមជាវាគ្មិននៃសិក្ខាសាលា បាឋកថាសាធារណៈ​ និង Webinar
  • ទី៤៖ ចូលរួមជាវាគ្មិន ឬអ្នកសម្របសម្រួលនៃកិច្ចសន្ទនាច្បាប់ (Legal Talk)
  • ទី៥៖ ចូលរួមជាវាគ្មិន អ្នកសម្របសម្រួល ឬអ្នកផ្តល់ខ្លឹមសារច្បាប់ក្នុងកម្មវិធី ពីនេះ ពីច្បាប់ ពីច្បាប់
  • ទី៦៖ ចូលរួមជាវាគ្មិន ឬជាអ្នកសម្របសម្រួលគម្រោង «វិដេអូមេរៀនច្បាប់» (Audiovisual Library : video + Podcast)

១. ផលិតសៀវភៅ និងអត្ថបទស្រាវជ្រាវ (ព្រឹត្តិបត្រច្បាប់)

អ្នកស្រាវជ្រាវទាំងអស់​ត្រូវបានលើកទឹកចិត្ត អោយចូលរួមសរសេរអត្ថបទស្រាវជ្រាវ ជំនួយស្មារតីនិពន្ធសៀវភៅ ចងក្រងអត្ថបទច្បាប់ ផលិតស្នាដៃស្រាវជ្រាវច្បាប់ផ្សេងៗ​ ព្រមទាំងចូលរួមផ្តល់វិភាគអត្ថបទនានា នៅក្នុងព្រឹត្តិបត្រច្បាប់របស់សាលាត្រាជូ

  • ៦៩ អត្ថបទស្រាវជ្រាវ
  • ២៩​ ជំនួយស្មារតី
  • ២២ វិចារណកថា
  • ១៨១ ព្រឹត្តិបត្របច្ចុប្បន្នភាពគតិយុត្ដប្រចាំសប្ដាហ៍
  • ៣ កម្រងអត្ថបទគតិយុត្ត
  • ៨ សៀវភៅសិក្សានីតិសាស្ត្រ

២. ចូលរួមបណ្តុះបណ្តាលកម្មសិក្សាការី

អ្នកស្រាវជ្រាវទាំងអស់​ត្រូវបានលើកទឹកចិត្តឱ្យចូលរួម ឱ្យបានសកម្មនៅក្នុងកម្មវិធីកម្មសិក្សារបស់សមាគម តាមរយៈការចែករំលែកបទពិសោធន៍ទាំងផ្នែកទ្រឹស្តី និងអនុវត្ត។ ការចូលរួមអាចស្ថិតក្រោមរូបភាពជា វាគ្មិនបណ្តុះបណ្តាល គ្រូដឹកនាំកិច្ចការស្រាវជ្រាវបញ្ចប់កម្មសិក្សានិងគណៈកម្មការវាយតម្លៃ

  • បងបង្ហាញ/ Presentations ៦៩ ដង
  • វគ្គបណ្តុះបណ្តាល/Trainings ២៦ ដង

៣. ចូលរួមកិច្ចពិភាក្សាតាមរយៈកម្មវិធី Traju Legal Coffee

អ្នកស្រាវជ្រាវទាំងអស់​ត្រូវបានលើកទឹកចិត្ត ឱ្យចូលរួមយ៉ាងសកម្មនៅក្នុងកម្មវិធីគម្រោងថ្មីរបស់សមាគម តាមរយៈការចែករំលែកបទពិសោធន៍ទាំងផ្នែកទ្រឹស្តី និងអនុវត្ត ក្នុងកម្មវិធី «Traju Legal Coffee» នៅបណ្ណាល័យ អ.វ.ត.ក. (សាលាក្តីខ្មែរក្រហម) ដែលជាកម្មវិធីថ្មីបង្កើតឡើងក្នុងគោលបំណងជជែកពិភាក្សាពាក់កណ្តាលផ្លូវការ ជំរុញការផ្សារភ្ជាប់បណ្តាញទំនាក់ទំនងជាមួយអ្នកជំនាញការ អ្នកជំនាញវិជ្ជាជីវៈច្បាប់ និងវិស័យពាក់ព័ន្ធនៅតាមបណ្តាស្ថាប័នរដ្ឋ និងឯកជន ដែលមានបទពិសោធទាំងទ្រឹស្តី និងការអនុវត្ត។កម្មវិធី Traju Legal Coffee បានធ្វើឡើងចំនួន ៦ ដង និងអ្នកចូលរួមសរុបចំនួន ៥០ នាក់។

៤. ចូលរួមកិច្ចសម្ភាសតាមរយៈកម្មវិធី ត្រាជូ ផតកាស

អ្នកស្រាវជ្រាវទាំងអស់​ត្រូវបានលើកទឹកចិត្ត ឱ្យចូលរួមជាកម្មវិធីដែលបានរៀបចំឡើងដោយផ្ដោតសំខាន់ទៅលើការផលិតជាកិច្ចសម្ភាសក្នុងទម្រង់ជាសារសំឡេងទាក់ទងនឹងប្រធានបទច្បាប់នានា ជាមួយវាគ្មិនកិត្ដិយសជំនាញ ដើម្បីជំរុញការពិភាក្សា និងការបកស្រាយចម្ងល់ទាក់ទងនឹងច្បាប់អន្ដរជាតិ និងជាតិ ប្រកបដោយខ្លឹមសារ ខ្លី ខ្លឹម និងមានប្រយោជន៍។

សមទ្ធិផលរបស់កម្មវិធី ត្រាជូ ផតកាស៖

  • ចេញផ្សាយបានចំនួន ៦៨លេខ
  • ចេញផ្សាយជាភាសារអង់គ្លេសបានចំនួន ០៥លេខ

៥. ចូលរួមជាវាគ្មិននៃបាឋកថាសាធារណៈ​ និង WEBINAR

អ្នកស្រាវជ្រាវទាំងអស់​ត្រូវបានលើកទឹកចិត្ត ឱ្យចូលរួមជាវាគ្មិនកិត្តិយសសម្រាប់

  • បាឋកថាសាធារណៈ
  • សិក្ខាសាលា​ / សិក្ខាសាលាប្រចាំឆ្នាំ
  • Webinar (កិច្ចសហការរវាង សាលាត្រាជូ និង NUM – iLLB Programme និងស្ថាប័នរដ្ឋ ឯកជនជាច្រើនទៀត)

៦. ចូលរួមក្នុងកិច្ចសន្ទនាច្បាប់

អ្នកស្រាវជ្រាវទាំងអស់​ត្រូវបានលើកទឹកចិត្ត អោយចូលរួមជាវាគ្មិន​ ឬអ្នកសម្របសម្រួលក្នុងកិច្ចសន្ទនាច្បាប់។

កិច្ចសន្ទនាច្បាប់ ជាកម្មវិធីអប់រំ និងផ្សព្វផ្សាយច្បាប់ ដោយវាគ្មិនដែលមានជំនាញ និងបទពិសោធន៍ ដើម្បីបកស្រាយចំណោទបញ្ហាគតិយុត្តថ្មីៗ ដែលចោទមាននៅក្នុងសង្គម។​

កិច្ចសន្ទនានេះ អាចមានរយៈពេលចាប់ពី១០ នាទី​ នឹងអាចផ្សព្វផ្សាយជាវគ្គខ្លីៗ។

Tagged Audience: សិស្សនិស្សិតច្បាប់ អ្នកសា្រវជ្រាវ និងអ្នកប្រកបរបរវិជ្ជាជីវៈពាក់ព័ន្ធ

៧. ចូលរួមក្នុងគម្រោង ពីនេះ ពីនោះ ពីច្បាប់

អ្នកស្រាវជ្រាវទាំងអស់​ត្រូវបានលើកទឹកចិត្ត អោយចូលរួមជាវាគ្មិន​ អ្នកសម្របសម្រួល ឬអ្នកផ្តល់ខ្លឹមសារច្បាប់ (content writer)

 

គម្រោងពីនេះ ពីនោះ ពីច្បាប់ ជាកម្មវិធីអប់រំ និងផ្សព្វផ្សាយច្បាប់ដោយប្រើប្រាស់ពាក្យពេចន៍សាមញ្ញ សម្រាប់បកស្រាយប្រធានបទ ពាក់ព័ន្ធនឹងជីវភាពប្រចាំថ្ងៃ។ វីដេអូ អាចមានរយៈពេលខ្លី និងងាយស្រួលយល់។

Tagged Audience: មហាជនទូទៅ

៨. គម្រោង «វិដេអូមេរៀនច្បាប់»

  • ចូលរួមជាផ្នែកមួយនៃការអនុវត្តគោលនយោបាយរបស់ក្រសួងអប់រំ យុវជន និងកីឡាក្នុងការលើកកម្ពស់គុណភាពនៃការសិក្សា ស្រាវជ្រាវនៅក្របខណ្ឌឧត្តមសិក្សា
  • ជំរុញ និងលើកកម្ពស់ការផ្សព្វផ្សាយច្បាប់ ឱ្យបានទូលំទូលាយ
  • ជំរុញបន្ថែមការសិក្សា ស្រាវជ្រាវ ផ្នែកនីតិសាស្ត្រនៅកម្ពុជា តាមរយៈកម្មវិធីសិក្សាអនឡាញ ឱ្យមានវិសាលភាពទូលំទូលាយ ជាពិសេសក្នុងបរិបទកូវីដ ១៩

សមាជិកភាព

  • សមាជិកភាព១

    មុខតំណែង

  • សមាជិកភាព២

    មុខតំណែង

  • សមាជិកភាព៣

    មុខតំណែង